زلزلے کب کیوں اور کیسے؟

قیامت کا ہیبت ناک زلزلہ؛
میرے بھائیو! یہ پہلے بھی ہوا ہے، آج بھی ہوا ہے ، اور یہ پھر بھی ہو گا۔۔۔۔۔۔۔۔۔یہاں تک کہ ایک بڑازلزلہ آئے گا۔۔۔۔۔۔۔۔۔ ایک بڑے آواز سنائی دے گی۔۔۔۔۔۔۔ سننے والے انسان بھی ہوں گے ، جنات بھی ہوں گے ۔۔۔۔۔۔۔۔۔اسی نسل کے انسان ہوں گے ۔۔۔۔۔۔۔۔ وہ آواز جو کانوں کو بھاڑ دے،کچھ خبر ہے وہ کیا ہے؟ تمھیں معلوم بھی نہیں ہو سکتا وہ کیا ہے؟ اس سے کیا ہو گا؟۔۔۔۔۔۔۔۔۔انسان پتنگوں کی طرح ہوا میں اُڑجائیں گے۔۔۔۔۔۔ پہاڑ روئی بن جائیں گے۔۔۔۔۔۔روئی بھی وہ نہیں جو ٹھوس ہوبلکہ وہ روئی جسے دھن دیا گیا ہو۔۔۔۔۔۔۔۔یہ دنیا ایک ایسا دن دیکھے گی جب ہمالیہ جیسے پہاڑ روئی کے گالوں کی طرح اُڑیں گےاور۔۔۔۔۔۔۔۔دودھ پینے والے بچوں  کو ان کی مائیں ٹوکری کی طرح اُٹھا کر پھینک دیں گی۔۔۔۔۔۔۔۔ اور حمل والیں کے حمل گر جائیں گے۔۔۔۔۔۔۔ایک چھوٹا زلزلہ دکھا کر اللہ تعالیٰ بھولے ہوئے انسان کو قیامت کا زلزلہ یاد کروارہاہے۔۔۔۔۔۔۔۔دنیا کو گھر سمجھنے والوں کو اللہ اس کی فنا کا منظر دکھا رہا ہے۔
اے میرے بندو! میں نے تھوڑے سے پہاڑ ہلا ئے چند گھر گر گئے۔۔۔۔۔چند جانیں ضائع ہو گئیں ۔۔۔۔۔۔وہ دن کیسا ہو گا؟
جب آسمان ٹوٹے گا ۔۔۔۔۔۔۔
زمین تھرتھرائے گی۔۔۔۔۔۔۔
جب پہاڑ لرز اُٹھیں گے۔۔۔۔۔۔۔
جب سورج اندھا ہو جائے گا۔۔۔۔۔۔۔
چاند بے نور ہو جائے گا۔۔۔۔۔۔
تارےٹکراجائیں گے۔۔۔۔۔۔۔
حمل والیں کے حمل گر جائیں گے۔۔۔۔۔۔۔
شیر اپنی دھاڑ بھول جائے گا۔۔۔۔۔۔۔
ہاتھی اپنی چنگھاڑ بھول جائے گا۔۔۔۔۔۔۔
کوئل اپنا نغمہ بھول جائے گی۔۔۔۔۔۔
سانپ اپنی پھنکار بھول جائے گا۔۔۔۔۔
پانی بہنا بھول جائے گا ۔۔۔۔۔۔۔
 پھول کھلنا بھول جائے گا۔۔۔۔۔۔۔
آنکھیں پھٹی رہ جائیں گی ۔۔۔۔۔۔۔ کہ آسمان پھٹ رہا ہے ۔۔۔۔۔۔سورج کو کیا ہو گیا ہے ۔۔۔۔۔۔۔یہ چمکتا ہوا کیں بے نور ہو رہا ہے۔۔۔۔۔۔چاند کو کیا ہو گیا ہے۔۔۔۔۔۔۔یہ بڑا ہنگامہ ہو گیا ہے ۔۔۔۔۔۔وہ بڑی آواز آ چکی ہے۔۔۔۔۔۔۔۔وہ خوفناک حقیقت سامنے آ چکی ہے۔
قرآن کی فریاد؛
میرے بندوسنو:! سنو!  اے مال کی دوڑ لگانے والو! اسے حقیقی جہان سمجھنے والو ! یہ کھیل تماشا ہے۔۔۔۔۔۔۔
یہ دھوکے کا گھر ہے۔۔۔۔۔۔
یہ مچھر کا پر ہے ۔۔۔۔۔۔
یہ مکڑی کا جالا ہے۔۔۔۔۔۔۔۔
چند دن کی بہار ہے ۔۔۔۔۔۔۔
پھر ہمیشہ خزاں ہے۔۔۔۔۔۔
چند دن کی روشنیاں ہیں۔۔۔۔۔۔۔
پھر ہمیشہ اندھیرے ہیں۔۔۔۔۔۔۔
یہاں جی یہ لگاؤ،یہ امتحان کی جگہ ہے۔۔۔۔۔
یہاں اللہ کا راج ہے۔۔۔۔۔۔
وہ جو چاہے گا ہو کر رہے گا اور اسے کوئی روک نہ سکے گا۔۔۔۔۔۔
زلزلے کیوں آتے ہیں؟
میرے بھائیو! حضرت عائشہ سے پوچھا گیا کہ زلزلے کیوں آتے ہیں؟ایک سبب تو ظاہر ہیں آتا ہےجس کو جیالوجسٹ بنا رہے ہیں ۔۔۔۔۔۔زمین کے ماہرین بتا رہے ہیں کہ پلیٹس آپس میں ٹکراتی ہیں تو زمین کپکپا اُٹھتی ہے۔۔۔۔۔۔۔نظر تو یہ ہی آ رہا ہے ۔۔۔۔بادل آتے ہیں تو بارش ہوتی ہے ،ہوا چلتی ہے تو چھتیں اُڑتیں ہیں ۔۔۔۔مگر وہ ہوا کس نے چلائی۔۔۔۔۔۔؟ بادل کو کون لایا ۔۔۔۔۔۔۔؟ زمین کی پلیٹوں کو کس نے ٹکرایا۔۔۔۔۔۔۔۔؟پانیوں کو کس نے بے لگام کر دیا۔۔۔۔۔۔۔۔۔؟ کس نے کیا ایسا۔۔۔۔۔۔۔۔؟
یہ زمین کے ماہر نہیں بتا سکتے۔۔۔۔۔۔۔۔۔
یہ ہوائیوں کے ماہر نہیں بتا سکتے۔۔۔۔۔۔
یہ پانیوں کے ماہر نہیں بتا سکتے۔۔۔۔۔۔۔
یہ پہاڑوں کے ماہر نہیں بتا سکتے۔۔۔۔۔۔۔۔
یہ سمندروں کے ماہر نہیں بتا سکتے۔۔۔۔۔۔۔
یہ علم اللہ نے اپنے نبیوں پر اُتارا۔۔۔۔۔ ان کے ذریعے ہم تک پہنچایا۔۔۔۔۔۔کہ جب انسان اللہ تعالیٰ کی نافرمانی کرتا ہے تو زمین کپکپاتی ہے۔۔۔۔۔جب اللہ کے حکم ٹوٹتے ہیں تو پھر ۔۔۔۔ہوائیں پاگل ہو جاتی ہیں۔۔۔۔۔اور پانی منہ زور ہو جاتے ہیں ۔۔۔۔۔اور بادل گرجتے ہیں ۔۔۔۔۔۔اور پتھر برسنے لگتے ہیں 
جب حضرت عائشہ سے پوچھا گیا کہ زلزلے کیں آتے ہیں؟ تو آپ نے ارشاد فرمایا۔۔۔۔جب لوگ زنا کرتے ہیں بے باکی کے ساتھ ۔۔۔۔۔۔غور سے سن لو امّاں عائشہ کیا جواب دے رہی ہیں۔۔۔۔۔یہ آج کے کم عقل دانشوروں کاجواب نہیں۔۔۔۔۔یہ وحی کا جواب ہےجو بے خطا ہے۔۔۔۔۔۔۔فرمایا جب لوگ بے باکی سے زنا کرتے ہیں ۔۔۔۔۔کھلم کھلا شراب پیتے ہیں۔۔۔۔۔۔موسیقی کی محفلیں سجاتے ہیں سربازار ۔۔۔۔۔پھر اللہ کو آسمانوں پر غیرت آتی ہےاور وہ زمین کو حکم دیتا ہے کہ انھیں جھنجھوڑ دو! انہیں ہلا دو۔۔۔۔۔۔۔
کاش کوئی سمجھے؛
میرے بھائیو! میں کب سے یہ حدیث بیان کر رہا ہوں ۔۔۔۔۔۔روز سمندر اللہ سے پوچھتا ہے کہ اے میرے رب ! اجازت دے میں انہیں پانیوں میں بہا کر لے جاؤں ۔۔۔۔۔۔زمین  روزانہ اللہ سے پوچھتی ہے کہ اللہ اجازت دے میں انھیں نگل جاؤں۔۔۔۔۔۔فرشتے روزانہ اللہ سے پوچھ رہے ہوتے ہیں کہ اللہ اگر اجازت ہو تو ہم اتر جائیں اور انہیں ہلاک و برباد کر دیں۔۔۔۔۔۔اور میرا اللہ کہتا آرہا ہے ۔۔۔۔۔۔۔چلو چلو اپنا کام کرو ۔۔۔۔۔میں اپنے بندوں کو تم سے زیادہ سمجھتا ہوں ۔۔۔۔۔میرے بندوں کو تم اپنے حال پر چھوڑ دو ۔۔۔۔۔میں نے انہیں اپنے ہاتھوں سے بنایا ہے۔۔۔۔۔میں ہی سمجھتا ہوں۔۔۔۔۔۔اس کی پکڑ کو مؤخر کر رہا ہوں ۔۔۔۔۔اس لیے میں اس کی توبہ کا انتظار کر رہا ہوں۔۔۔۔۔۔۔اگر تم نے انہیں بنایا ہے تو مار ڈالو۔۔۔۔۔۔۔ اگر میں نے بنایا ہے تو میرے حوالے کر دو۔۔۔۔۔۔۔
اس کے در کھلے ہیں۔۔۔۔رمضان میں اور بھی وسعت ہو گئی۔۔۔۔۔عرش پہلے آسمان پر آچکاہے ذرہ ذرہ پکار اُٹھا۔۔۔۔۔
کوئی ہےتوبہ کرنے والا تو آئے۔۔۔۔۔۔
اللہ معاف کرنے کے لیے آچکا ہے۔۔۔۔۔۔
کوئی ہے مغفرت طلب کرنے والا تو آئے۔۔۔۔۔۔۔
اللہ مغفرت کے در کھول چکا ہے۔۔۔۔۔۔۔
کوئی ہے سوال کرنے والا تو آئے۔۔۔۔۔۔۔
اللہ کے خزانے تو کھلے ہوئے ہیں ۔۔۔۔۔
آجاؤ اور اللہ سے لے لو۔۔۔۔۔۔
اللہ تعالٰی ہم سب کو گناہوں سے معافی مانگنے اور نیک کام کرنے کی توفیق عطا فرمائے۔۔۔۔۔۔۔۔۔۔۔
آمین